Этрус Тілі – – Италиядағы көне тілдердің бірі. Жерортатеңіздік тілдер тобына жатады. Б.з. бас кезінде Этрус тілін латын тілі ығыстырған. Этрус тілінде сақталған

Этрус Тілі – – Италиядағы көне тілдердің бірі. Жерортатеңіздік тілдер тобына жатады. Б.з. бас кезінде Этрус тілін латын тілі ығыстырған. Этрус тілінде сақталған жазба мұралардың барлығы дерлік грек әліпбиіне ұқсас әріптермен құлпытастарға жазылған жазулар. Олардың ішіндегі ең бастысы Загребтегі (Хорбатия) мумия жамылғысына жазылған қасиетті кітаптан үзінді. Онда 1200 сөз сақталған. Жазу оңнан солға қарай жазылған, сөздердің арасы бөлінбеген. Сондай-ақ финики тілінде жазылған мәтінмен қатар қышқа жазылған 300-дей сөз сақталған. Көне дәуір авторларына қатысты 60-тай глосса (әр түрлі қолжазбаның шетіне жазылған ескерту мен түсініктер) бар. Барлығы 150-дей сөздің мағынасы анықталған. Басқа тілдермен туыстық жақындығы әлі ашылған жоқ. Әдеб.: Харсекин А.И., Об этрусском языке, в сб.: Тайны древних письмен, М., 1976. С. Бизақов