Адрия теңізі

Адрия теңізі (Adrіa — біздің заманымыздан бұрын 6 ғ-дағы грек қонысының аты) — Жерорта теңізінің солтүстік бөлігінде, Апеннин мен Балкан түбектері аралығында, Ион теіңізін жиектей орналасқан. Тереңдігі солтүстігінде 20-60 м, орта тұсында 100-170 м, оңтүстік-шығысында 1500 м-ден асады. Ауданы 132 мың шаршы км. Теңіз айдынында циклондық айналым жасайтын ағыс кездеседі. Беткі қабатының температурасы солт-нде 7⁰С, оңт. бөлігінде 13⁰С, тамызда 24-26 С; суының тұздылығы солтүстік бөлігінде 30-35‰, оңтүстік-шығысында 38‰-ге жетеді. Оңтүстік-батыс, солтүстік және солтүстік-батыс жағалаулары биік таулармен қоршалған. Батыс, солтүстік-батыс жағалаулары ойпатты, кей тұстарында қолтықтар кездеседі. Балкан түбегіне жақын жағалауларында Ирк, Паг, Корчула, Хвар, Брач т.б. аралдары бар. Негізгі шығанақтары: Венеция, Мафредония, Отранто, ең ірі түбектері: Истрия, Гаргано жағалауында Италия, Словения, Хорватия, Босния және Герцеговина, Югославия, Албания мемлекеттері орналасқан. Ірі порттары: Венеция, Триест, Риека, Сплит, Дуррес. Адрия теңізі арқылы жүк тасымалданады, жағалауында туризм және демалыс орындары бар.

Адрия теңізі
Сипаттамасы
Ауданы	144 000 км²
Орналасуы
42°46′33″ с. е. 15°25′34″ ш. б. / 42.77583° с. е. 15.42611° ш. б. / 42.77583; 15.42611 ^(G) ^(O) ^(Я)Координаттар: 42°46′33″ с. е. 15°25′34″ ш. б. / 42.77583° с. е. 15.42611° ш. б. / 42.77583; 15.42611 ^(G) ^(O) ^(Я)
Адрия теңізі
Адрия теңізі Ортаққорда