Полторацк округі

Полторацк округі — 1924 жылдың желтоқсанынан 1926 жылдың тамызына дейін болған Түрікмен КСР-нің әкімшілік бөлініс бірлігі. Әкімшілік орталығы — Полторацк қаласы.

Округ
Полторацк округі
Әкімшілігі
Ел	КСРО
Кіреді	Түрікмен КСР
Әкім. орт.	Полторацк
Тарихы мен географиясы
Құрылған уақыты	1924
Таратылған уақыты	1926
Тұрғындары
Тұрғыны	264,4 мың адам (1926)

1924 жылы Красноводск және Полторацк уездерін біріктіру арқылы құрылды.

Бастапқыда: Красноводск және Полторацк деген 2 уезге бөлінді.

1925 жылы қаңтарда уездердің орнына 5 аудан: Гинцбург, Қазаншық, Қызыларбат, Красноводск, Полторацк құрылды. 1925 жылы мамырда Атрек ауданы құрылды.

1926 жылы қаңтарда Қарақала және Бәһерден аудандары құрылды. Полторацк ауданы Безмейін болып өзгертілді.

1926 жылы тамызда округ таратылып, оның аудандары Түрікмен КСР-нің тікелей бағыныстылығына берілді.

1926 жылғы халық санағы бойынша 264,4 мың адам болды. Соның ішінде түрікмендер — 73,2%; орыстар — 15,8%; армяндар — 3,1%; парсылар — 1,6%; украиндар — 1,2%; әзербайжандар — 1,1%.

Әдебиет

• Кулиев О. Түрікменстанның әкімшілік-аумақтық құрылымы: (XIX ғ. басы - 1980 ж.) — Ашхабад: Ылым, 1980. — 319 б.